суббота, 18 марта 2017 г.

Հայացք



Սի՛րտդ էի ուզում տեսնել -
Հայացքդ տեսա,
Գիշերվա  նման անգութ ու  մռայլ

Սրտիս պատերը քարուքանդ անող
Լուտա՛նքդ շռայլ…

Ու փլվե՜ց,
Քանդվե՜ց
Երազի մի պատ՝
Փոշի ու աղմուկ հանելով,
… Ո՞վ էր մեղավոր, դա՞րը այս դաժան,
Թե՞ քո հայացքը
Անմե՜ղ-մեղավոր…

Սի՛րտդ էի ուզում տեսնել -
Հայացքդ տեսա
Ահավոր դարի ճիրանների մեջ,
Կարծես թե մի բուռ հո՜ղ էր սեղմված
Աղոթքներ մերժող ձեռքի ափի մեջ…

Մայրամուտները կքվեցի՜ն
Դարձան կորացած ինչու- ներ,

Դատա՜րկ մի տարածք,
Դատա՜րկ մի հայացք,

Ու հարցականնե՜ր…

Ու հարցականնե՜ր…      13.03.17 

Комментариев нет: