пятница, 1 июля 2016 г.

Երջանկության բանալին


Ամենահեշտ ապրելու ձևը
Դա ձևն է՝ այն ձևը,
Որով ապրում ես հիմա,
Ինքդ չե՛ս կարող ոչինչ փոփոխել
Ուրիշին էլ չե՛ս թողնում
Փոփոխելու այն…

Ցույց ես տալիս, որ գո՜հ ես
Աշխարհից (Կյանքից)
Ապրելակերպից,
Բայց, երբ նայում ես թե ի՞նչպես ես ապրում
Սիրտդ լալի՜ս է ցավից…

Եվ ի՞նչ է դուրս գալիս – Հասարակ մի Բա՜ն,

Ապրելը հե՛շտ է-
Նայե՛լն է դժվար…

Կամ հարցականով

Ապրելը հե՞շտ է-
Նայե՞լն է դժվար…

Ստիպված
… մտքումդ ստեղծում ես մի չեղած կերպար՝
Ընտրում ես անո՜ւնը,
Հասա՜կը, տարի՜քը,
Աչքերի գո՜ւյնը,
Տալի՛ք-առնելիքը,
Շրջազգե՜ստը, սանրվա՜ծքը
Ձա՛յնը (անպայման)…

Ու սիրահարվում ես նրան

Եվ ի՞նչ է դուրս գալիս – Հասարակ մի Բան՝

Ապրի՜ր, վայելի՜ր,
Ըմբոշխնի՛ր կյանքով,
Նախանձի՛ր, խանդի՛ր…
Եվ այս ամբողջը այնքա՜ն ժամանակ
Քանի դեռ ապրում ես ու աչքե՛րդ են փակ:

Ապրելը հե՛շտ է-
Նայե՛լն է դժվար…

Ս.Ումառ-Հարությունյան




Комментариев нет: